Nga Taulant KOPLIKU
Ka nje debat disa ditor mbi autoresine e ndalimit te muzikes ne nje lokal ne Velipoje, ne te cilin kendonte Frederik Ndoci. Ne fillim nje ish funksionar i PD-se se Shkodres, i futi nje status ne fb ne te cilin akuzohej qeveria dhe direkt kryeministri per ngjarjen e cila mori permasa te jashtezakonshme, per vete emrin e kengetarit te madh. Me pas ky i fundit, po permes nje statusi ne fb, hoqi pergjegjesine e kesaj ngjarje nga kryeministri, duke aluduar se ky ishte nje “peshqesh“ qe i vinte atij vete nga kryetarja e bashkise se Shkodres. Ne realitet, aludimin fillestar, Ndoci e konfirmoi diten e neserme.
E akuzuar nga nje kengetar mjaft i njohur dhe i vleresuar, kryetarja Ademi, nxitoi qe ti pergjigjet akuzes. Duhet theksuar se nuk eshte ne natyren e saj te pergjigjet per akuzat qe i vijne me dhjetra ne dite nga te gjitha anet, siç eshte rasti i “pushtimit“ te Shkodres nga mbeturinat. Ajo ka adoptuar nje sistem imunitar ndaj akuzave, nepermjet mosreagimin, i ngjashem me stilin e kolegut te saj te kryeqytetit Veliaj. Por kesaj rradhe gjerat ishin ndryshe. Sepse se pari, ngjarja, sado periferike, mori permasa kombetare. Dhe se dyti, sepse alibia e saj, per mos bashkepunimin e policise, eshte mjaft e besueshme duke konsideruar perplasjet e vazhdueshme me kreun e ekzekutivit. Ndoshta e orientuar edhe nga keshilltaret e shumte qe “gelojne“ zyrave te bashkise, Ademi, doli me nje status ne te cilin tentoi qe me nje gur te vriste dy zogj. Se pari, lante duart perballe publikut te zemeruar me sjelljen arrogante te policise ndaj idhullit te tyre kengetar, dhe se dyti, perforconte justifikimin se deshtimi i ketij sezoni ne menaxhimin e vijes bregdetare, vinte per shkak te sabotimit te policise. Deri diku edhe ia arriti, por siç thone italianet: “Carta canta“. Ligji (ne fotot e meposhtme) e percakton qarte se “bashkite jane pergjegjese per sigurimin e masave mbrojtese nga ndotja akustike“. Pra, policia, ne lokal, hyri per te zbatuar nje ligj qe eshte ne kompetence te bashkise Shkoder.
Nderkohe, dyshimi, deri ne akuze i ish-funksionarit te Partise Demokratike qe beri xhiron e portaleve, se policia ka nderhyre me urdher te Rames, nese tirret fort holle edhe mund te qendroje. Pra, i bie qe Rama, te kete urdheruar policine te nderprese muziken ne lokal, per te zemeruar Rrik Ndocin i cili me pas do te sulmonte Voltana Ademin dhe me pas kjo do te reagonte per te hequr pergjegjesite, por ne kete pike ligji do te inkriminonte kryetaren ne kete histori. Ne realitet, nje skenar qe edhe keshilltaret e luftes ne zyren e kryetares, se besojne. Edhe pse kjo tashme mund te konsiderohet nje çeshtje e mbyllur, se bashku me sezonin e deshtuar ne Velipoje, kryetarja duhet te pranoje se topi i ka mbetur ne fushe.
Megjithate pyetja serish mbetet: Kush ia ndaloi kengen Rrik Ndocit?
