Edhe kryetarja e Bashkisë së Shkodrës Voltana Ademi, ka reaguar për ndarjen nga jeta të presidentit dhe administratorit të mediave shqiptare, Kasem Hysenbelliu. Në një publikim në faqen e saj zyrtare në Facebook, Ademi shkruan:
“Largimi shumë i parakohshëm nga kjo jetë e presidentit dhe administratorit të disa mediave të rëndësishme në vend, Kasem Hysenbelliu, është një humbje për të gjitha mediat e gazetarët.
Kam patur mundësi ta njoh dhe kam vlerësuar gjithmonë përkushtimin për mediat që drejtonte, mirëkuptimin dhe mbështetjen ndaj gazetarëve, dëshirën që mediat e tij të ishin gjithmonë në sherbim të qytetarëve.
Ngushëllime familjarëve dhe të gjithë komunitetit të medias për këtë humbje!”, shkruan Ademi në publikimin e saj.
Kasem Hysenbelliu, humbi jetën nga Covoid- 19. Edhe pse ishte dërguar për kurim në Turqi, ai nuk ia doli të fitojë betejën me virusin e rrezikshëm. /ShkodraWeb Media/
