Fatmir Sula është mësuesi 56-vjeçar i shkollës 9-vjecare Bishqem, në Peqin, i cili ka ndërruar jetë në spitalin “Shefqet Ndroqi” sot, për shkak të koronavirusit, raporton Panorama. Lajmin e kanë konfirmuar kolegët e tij të cilët kanë postuar dedikime në rrjetet sociale.
Në faqen zyrtare të Facebook të shkollës, është postuar dhe një dedikim prekës për mësuesin që humbi betejën me Covid-19.
“Një dhimbje të madhe ka lënë pas ndarja nga jeta e kolegut tonë. Jo vetëm ata që e njohin,por në vecanti për familjen e tij. Drita e shpirtit te tij u largua fizikisht,po kurrë nuk do të largohet nga brezat e nxënësve që ka lënë pas.
Ky lajm i hidhur na trishtoi pa masë, kolegu ynë i nderuar. I shprehim ngushëllimet më të sinqerta familjes. U prefsh në paqe ! Lamtumirë….Kolegu ynë Fatmir Sula”.
