Policia e Shtetit mbyll fazën e parë të hetimeve lidhur me helmimin e 29 nxënësve në shkollën “Nikoll Lleshi” të njësisë administrative Gjegjan në Pukë. Sipas hetimeve policore rezulton se anomalite shëndetësore të nxënësve janë shkaktuar si pasojë e dezinsektimit me klor të kryer gjatë datës 3 tetor pas përfundimit të procesit mësimor.
Sipas policisë të nesërmen e kryerjes së këtij procesi stafi i shkollës nuk ka bërë ajrosjen dhe pastrimin e brendshëm të mjediseve të shkollës, megjithëse nga stafi që ka kryer procesin e dezinsektimit ishin dhënë instruktazhet e nevojshme për ajrosje dhe pastrim.
Sipas Policisë së Shtetit shkak për helmimin e fëmijëve ka qene neglizhenca e stafit të shkollës dhe mangësitë në organizimin e punës së stafit nga ana e drejtorisë së shkollës. Policia mësohet së ka intervistuar të gjithë aktorët e përfshirë në këtë proces ndërsa po punon dhe me strukturat e specializuara për kryerjen e analizave të ajrit dhe ujit në shkollë. Policia bënë të ditur se i gjithë materiali hetimor i është përcjellë prokurorisë pranë Gjykatës së Pukës nga ku pritet dhe marrja e masave administrative.
