Futbollisti Mevlan Adli është një nga më të spikaturit e Vllaznisë në vitet e fundit. Si mbrojtës, ai ka dhënë kontributin e tij të vazhdueshëm për ekipin, duke fituar edhe simpatinë e tifozëve.
Por Mevlan Adili ka edhe një anë tjetër, e cila është shfaqur publikisht sot. Futbollisti duket se ka ndjeshmëri edhe ndaj shtresave në nevojë. Sot ai ka vizituar Shtëpinë e Fëmijës Shkollor në Shkodër, duke sjellë kënaqësi e argëtim tek ata.
Nuk kanë munguar as dhuratat e sidomos, fotografitë me fëmijët, të cilët do ti kenë një kujtim të veçantë për jetën e tyre. Në faqen zyrtare të Bashkisë Shkodër në Facebook, shkruhet:
“Kampion në fushën e blertë, kampion edhe në qytetari! Futbollisti i Vllaznisë Mevlan Adili vizitoi Shtëpinë e Fëmijës Shkollor në Shkodër. Momente kënaqësie dhe argëtimi për fëmijët që iu gëzuan edhe dhuratave të veçanta nga futbollisti kuqeblu! Mevlan Adili, shembull për t’ u ndjekur! Faleminderit kampion!”.
Vizita e Adilit vjen pak orë para ndeshjes së neserme me Partizanin për Superligën. Të pranishëm në stadium pritet të jenë edhe fëmijë nga Shtëpia e Fëmijës, të shoqëruar nga kujdestarët e tyre. /ShkodraWeb/
