Një aksident i rëndë ka ndodhur mesditën e sotme në rrugën e vjetër Lezhë-Laç, në afërsi të fshatit Manati, ku një automjet është përplasur me një çiklomotor, e për pasojë janë plagosur tre fëmijë të moshës 13 deri në 15 vjeç.
Të plagosurit janë dërguar menjëherë në spitalin rajonal të Lezhës për marrjen e ndihmës së nevojshme mjekësore, si pasojë e plagëve të rënda të marra nga përplasja e fortë.
Ndërkohë, policia ka shkuar menjëherë në vendin e ngjarjes dhe ka nisur hetimet për zbardhjen e shkaqeve të këtij aksidenti.
Aksi rrugor ku është verifikuar aksidenti, konsiderohet “rruga e vjetër” e Lezhës dhe qarkullimi rrugor është i kufizuar vetëm në mjete të banorëve përgjatë saj por edhe të personave që kanë prona dhe përdorin mjete pa dokumentacionin përkatës.