Kantautori shkodran Luiz Ejlli, shfaqet në zyrën e kryebashkiakut të Shkodrës Benet Beci. Ka qenë vetë fituesi i BBVip 2, ai që ka publikuar një foto, duke e shoqëruar edhe me batutën e radhës.
“Kryetari i Bashkisë Benet Beci me Mbretin, projekte për Shkodrën”, ka shkruar Ejlli, duke lënë të kuptohet se diçka po “kurdiset” dhe me shumë mundësi, ka lidhje me artin, fusha ku kantautori shkodran po dominon me zërin e tij që prej rreth 1 viti.
Mësohet se Luiz Ejlli ka qenë në bashkinë e Shkodrës pasditen e sotme por përveç asaj që vetë ai ka publikuar në rrjetet sociale, deri tani nuk ka informacion tjetër.
Edhe gjatë qendrimit në BBVip 2, Ejlli ka vlerësuar mbështetjen që i dha në një moment të vështirë të jetës Benet Beci, në cilësinë e administratorit të KESH. Edhe pas daljes nga BBVip 2, Ejlli ka qenë në mbështetje të Becit, teksa me 14 maj 2023, erdhi dhe votoi në Shkodër. /ShkodraWeb/