David De Gaetano është 23-vjeç dhe sipas mediave italiane është konsideruar si një nga personat më të rrezikshëm atje.
Gaetano, theksohet nga mediat italiane se është me origjinë shqiptare dhe banon në Romë.
Ai ishte arrestuar pas një ndjekje të gjatë nga policia në Spoltore dhe përfundoi në spital pasi policia e plagosi për shkak se po ia mbathte me makinën e vjedhur “Audi A6”.
Më pas, ai ka alarmuar policinë italiane teksa u arratis nga spitali ku po mjekohej, duke thërritur infermieren në dhomë dhe pas kësaj ka sulmuar dy policët që po bënin roje.
23-vjeçari mundi të arratisej pa lënë gjurmë. Policia italiane nisi menjëherë kërkimet për gjetjen e tij.
Policia ka shpërndarë foton e tij dhe po kërkon nga të gjithë ndihmën për ta kapur.
Ndërkohë, në lidhje me gjendjen e dy policëve të sulmuar nga Gaetano, thuhet se janë të shtruar në spital dhe pas plagëve të rënda po mjekohen. /JOQ.AL/
