FOTO/ Kombetare “luksi”, perkthyes ne Spanje djali i ish- kryeministrit te Shqiperise…

Bashkim Shehu, djali i ish-kryeministrit komunist, Mehmet Shehu ka bërë përkthyesin e Christian Panuccit për mediat spanjolle në konferencën për shtyp përpara ndeshjes Spanjë-Shqipëri.

Trajneri Panucci dhe kapiteni Ansi Agolli dolën në një konferencë për shtyp përpara gazetarëve shqiptarë dhe atyre spanjollë pasditen e djeshme, për t’iu përgjigjur pyetjeve për sfidën ndaj iberikëve, që do të zhvillohet mbrëmjen e sotme në orën 20:45.

Një fakt interesant në këtë konferencë ishte se Federata Shqiptare e Futbollit kishte zgjedhur si përkthyes shkrimtarin Bashkim Shehun, djalin e ish-kryeministrit Mehmet Shehu. Bashkimi jeton prej 27 vitesh në Spanjë, më konkretisht në Barcelonë dhe është njohës mjaft i mirë i gjuhës spanjolle.