Zjarrefikesi i plagosur ne lufte me flaket ne Tarabosh, Gjergj Rrahi eshte ne gjendje te mire shendetesore. Ai eshte paraqitur ne spitalin e Shkodres ku ka marre ndihmen e nevojshme dhe me pas eshte kthyer perseri ne mes te kolegeve per te vijuar betejen per shuarjen e zjarrit. Duke folur per mediat Rrahi thote se nuk mban mend shume nga momenti kur u rrezua. “Po perpiqesha si dhe shoket te fikja zjarrin. Ne nje moment ndjeva se po me merrej fryma. U rrezova dhe mesa me kujtohet, me kapen nje koleg i imi dhe nje ushtar, te cilet i falenderoj. Nuk me kujtohet asgje tjeter, vetem kur pashe veten ne spital. Sapo te largohem nga spitali, do te shkoj serish tek shoket ne Tarabosh”, rrefen Gjergj Rrahi.
Nderkohe, situata e zjarrit eshte perkeqesuar. Ai eshte afruar rreth 100 m nga kullat e tekevizoneve, te cilat po marrin masa per te larguar aparaturat. Flaket stimulohen edhe nga era e forte, ndersa zjarrefiket e kane te pamundur te ngjiten. E gjithe puna po behet me fikeset e shpines dhe eshte e veshtire qe zjarri te shuhet. Ai po perhapet nga te gjitha anet ne Tarabosh. /ShkodraWeb/
