Flet nga Amerika burri i tradhetuar nga gruaja ne Kamice: Ata duan vdekjen time

Peri Nacaj, i cili jeton prej katër vitesh si emigrant i paligjshëm në SHBA, tregon të vërtetën mbi videon që demaskoi ishbashkëshorten e tij. 32-vjeçari thotë se nuk ka pasur për qëllim publikimin e saj, por është detyruar nga familjarët e ish-bashkëshortes pasi morën fëmijët me dhunë nga shtëpia e tij. Nacaj thekson se si ish-gruaja kërcënonte fëmijët që të mos flisnin për atë që shihnin në dhomën e gjumit. Lidhur me akuzën për moskujdesje për fëmijët, Nacaj shprehet se i ka dërguar thuajse çdo muaj nga 500 dollarë, por shton se këto para mund të kenë përfunduar në xhepat e dashnorëve të ish-gruas.
Peri, ish-bashkëshortja juaj akuzon se ndaj saj është ushtruar dhunë?
Nëse ajo ka fakte, vazhdoni me krahun e asaj. Nëse ajo i ka faktet që unë e kam dhunuar dhe ka fakte që unë jam i martuar vazhdoni. Unë nuk kam ça me fol, i kam parë të gjitha ça kanë thënë po ju keni punën tuaj si gazetar, por ajo nuk ka fakte.
Ju akuzoni që nuk i keni dërguar para për të rritur fëmijët?
Çdo gjë që unë i kam dërguar nuk është shijuar nga fëmijët e mi, por nga dashnorët e saj. Përse dashnori i saj të marrë lekët dhe telefonat që unë i kam dërguar për fëmijët.
Ku janë gjërat e mia? Pse si qëndron e vërteta?
Po ça të vërtete kërkon të dish më shumë. E keni parë se çfarë ka bërë ajo edhe mbrapa me policinë, që i morën fëmijët me forcë pa asnjë lloj dokumenti nga Gjykata.
Ish-bashkëshortja ju akuzon se keni lidhje me një grua tjetër në SHBA dhe për këtë fakt është në dijeni edhe familja juaj?
Kujt duhet t’i interesojë puna dhe jeta ime prej asaj nate kur ajo u kap, që ju e keni parë? Çfarë duan të dinë tani, me cilën jetoj apo çfarë bëj? Ata duan që unë të vdes për hatrin e atyre. Unë do të vazhdoj jetën përpara, njerëzit në Shqipëri kanë kohë me fol dhe për të shkruar si t’ua ketë qejfi atyre, por kryesorja është se që atë natë që ajo u kap me dashnorin në shtëpinë time, mua nuk më ka interesuar më puna e saj se më kë shkon dhe me kë flenë. Mua më intereson vetëm puna e fëmijëve të mi që kam vuajtur me i rrit dhe ata ishin arsyeja pse unë kam ikur nga Shqipëria që të krijoj një jetë më të mirë, por ajo ka fjalët dhe shpifjet e veta.
Sipas saj, prej 4 vitesh, që nga koha kur keni emigruar në SHBA, nuk jeni interesuar më për atë, madje thotë se e keni ofenduar dhe kërcënuar shumë herë në telefon. Sa e vërtetë është kjo?
Nëse e kam kërcënuar pse nuk iku te shtëpia e saj? Pse qëndroi në shtëpinë time? Kush e mbajti me forcë aty nëse ajo qenka dhunuar?
Ish-bashkëshortja pretendon se edhe babai juaj dhe kunati e kanë dhunuar?
Pse qëndroi në atë shtëpi, ka ndonjë përgjigje?
Ju e njihnit personin që shfaqet në video? Burri që ka hyrë në dhomën e gjumit me ish-bashkëshorten?
Po, e njoh është nga fshati i saj. Nuk kam pas asgjë me të, kurrë, përveç se e kam njof dhe më ka njohur. E ka ditur që po hyn në shtëpinë e tjetrit, po hyn në familjen e dikujt dhe po e shkatërron.
Në gjykatë ju çfarë kërkoni? Kujdestarinë e fëmijëve?
Unë kërkoj vetëm ajo mos t’i ketë. Nëse gjykata e sheh të arsyeshme le t’i mbajë shteti. Deri kur unë të jemi i lirë të lëviz, vetëm ajo nuk duhet t’i ketë ata fëmijë të pafajshëm.
Ku jetojnë aktualisht dy fëmijët?
Në shtëpinë e ish-bashkëshortes. I kanë marrë me polici, me forcë pa asnjë dokument zyrtar.
Ish-bashkëshortja sa kohë ka që është larguar nga shtëpia?
Që në janar.
E keni larguar ju?
Po. E kanë dërguar në Koplik me makinë se nuk kanë pasur fytyrë as me ardh me e marrë te shtëpia dhe i ati as që ka shku me e marr vajzën e vet, ka dërguar djalin e tij që ta marri.
Nëse merrni kujdestarinë e fëmijëve keni në plan t’i merrni në SHBA apo do të ktheheni për të jetuar në Shqipëri?
Unë do të pres përgjigjen për dokumentet. Nëse nuk do m’i japin, atje do të vij të rris fëmijët e mi dhe t’u jap krahë.
Në Amerikë çfarë pune bëni?
Me ndërtime, si të gjithë shqiptarët.
Pse vendosët të publikonit videon?
Unë u mundova t’i mbaj të fshehta gafat e saj, por nuk pranuan ajo me familjen e saj. Ia mbajtën 7 muaj që se mori vesh njeri pse iku nga shtëpia, i mbrojta fytyrën se ishte nëna e fëmijëve të mi. Po në fund nuk durova, më detyruan që ta shofin të gjithë sepse mori fëmijët me dhunë. E mbajta të fshehtë që edhe fëmijët e mi të mos vuanin gjithë jetën e tyre. Po tani ia nxorën ata fundin, si familje.
Kush e mori vendimin për publikimin e videos?
Vendimi është marrë nga ana ime. Unë e thirrja në telefon çdo mëngjes që u zgjoja për të vajtur në punë dhe telefoni më dilte i zënë. Pastaj më merrte më vonë në telefon pasi mbaronte punë me ata që bëri krimin dhe u mundonte të gënjente se ishte duke fol me vëllain. Ok i thoja dhe pastaj mora vëllain e saj në telefon dhe i thash nëse kishte qenë
duke fol me motrën, por mu përgjigj jo. Pastaj e mora sërish dhe i thash pse gënjen? Po kjo histori u përsërit prapë dhe atëherë vendosa që ta ruanin dhe me i bërë video. Ajo i merrte fëmijët i rrihte dhe i vinte në gjumë me fut dashnorin brenda. Kam fol me vajzën time, që e kanë marrë me forcë atë ditë me polici se nuk donte të ikte nga shtëpia ime, dhe ajo i ka kuptuar të gjitha dhe m’ ka thënë: Sa herë unë babi kam dash t’i tregoj të gjitha, po mami më ka thënë që nëse flet gjë, ça bën mami të pres në qafë.
Ju fillimisht kërkuat që të zgjidhej çështja nga gjykata?
Jam në gjyq që prej 7 muajsh vetëm e vetëm që të mbroj fëmijët e mi të pafajshëm, por ata nuk e pritën vendimin e gjykatës. Unë nuk isha kundra asnjë gjykate, por ata nuk e pritën dhe i nxorën fundin kësaj historie.
Keni marrë reagime pas publikimit të videos?
E di që shqiptarët kanë të drejtë të komentojnë si të duan, por u bëj thirrje të gjithëve që të mos më gjykojnë dhe të mos më dërgojnë mesazhe. Të mos më ofendojnë kot, besoj se ata e kanë parë se çfarë ka bërë ajo. Shumë njerëz më dërgojnë ofendime shumë të rënda, prandaj u them mos ofendoni kot, ai që po vuan jam unë, që askujt tjetër ça po kaloj nuk ia uroj, as armikut.
Loading...

ShkodraWeb Staff

E Verteta nuk negociohet!