Fildesin nuk e vrau ish- bashkeshorti por koleget e saj te “drejtesise”

Nga Blerti DELIJA

Kane kaluar vetem pak ore nga ekzekutimi makaber i gjyqtares Fildes Hafizi dhe te gjitha indiciet te cojne ne nje drejtim te vetem: ajo nuk u vra nga ish- bashkeshorti, por nga koleget e saj te “drejtesise”, prokurore dhe gjyqtare te sistemit tone!

Jane po keta prokurore e gjyqtare (natyrisht jo te gjithe) qe permes Unioneve te tyre, shprehin ngushellime, kerkojne zbardhje te shpejte te ngjarjes, frenim te dhunes ne familje dhe mbrojtje per “togat e zeza”. Sipas gjasave, Fildesi nuk paska qene pjese e atij segmenti te “drejtesise” qe p;o dridhet nga afrimi i “vetting”-ut. Madje, e paskan lene jashte me qellim, ndoshta edhe per ta eleminuar sic ndodhi me Skerdilajdin ne Vlore para disa viteve.

Imagjinojeni pak, nje gjyqtare qe persekutohet nga ish- bashkeshorti, kerkon ndihme nga koleget e “drejtesise”, nje prokuror vendos te mos nis ndjekje penale per ish- bashkeshortin sepse “pistoleten vetem sa e ka nxjerre nga canta e nuk ka bere veprim tjeter me te”, gjyqtare qe pranojne cdo kerkese te organit te akuzes dhe “qershia mbi torte” nje Amnisti parlamentare qe nuk ben dallimin ne mes atij qe e meriton dhe atij qe del nga burgu me qellimin per te cuar ne fund ate qe nisi 2 vite me pare, kur u arrestua. Dhe e gjithe kjo, ne kurriz te nje kolegeje gjyqtare, e cila teorikisht ka si rival perballe sistemit te drejtesise nje qytetar te thjeshte. Po si ishim mesuar deri tani te pakten? Qe jo vetem gjyqtaret, por edhe kusherinjte e te afermit e tyre deri ne brezin e shtate, te triumfonin gjithmone ne “peshoren e drejtesise”, pavaresisht se nga realisht anonte e drejta. Por mesa duket e ndjera Fildes, nuk ishte pjese e ketij sistemi. Prandaj ne perballjen me “drejtesine” duket se fitoi ish- bashkeshorti, nje qytetar i thjeshte i vendit. Apo nuk eshte keshtu? Apo u “lye rrota” qe e drejta te kalonte nga ana e duhur, por jo e drejte? Natyrisht jane vetem aludime, sepse provat duhet te na i siguroje “drejtesia”. Ja pse jam i bindur se Fildesi u vra sot nga koleget e saj qe me veprimet apo mosveprimet e tyre, ja vune pistoleten ne dore ish- bashkeshortit qe vetem sa terhoqi kembezen.

E ne fund, ka edhe nje personazh, por qe nuk ka pergjegjesi direkte, edhe pse mbase mund ta shpetonte jeten e Fildesit. E ndjera i kishte shkruar nje leter sa ishte gjalle dhe e vinte ne dijeni se ishte shpresa e vetme per ti shpetuar jeten nga nje bashkeshort qe e perndiqte. “Magjiberesi” ishte ambasadori amerikan ne Tirane. Nje fjale e tij, nje telefonate e tij, do te vinte ne levizje te pakthyeshme cdo pjese te qerres me emrin shtet ne kete vend. Por sic duket, edhe kryediplomati amerikan i fut ne nje thes te gjithe ate te sistemit te “drejtesise”, edhe Fildesin e ndjere. Nje fjale e tij, do ja ndryshonte krejt jeten gjyqtares dhe dy femijeve te saj, qofte edhe duke i larguar me azil ne SHBA. E ta imagjinosh qe ambasadori i nderuar eshte sponsorizuesi me i madh i “vetting”-ut, por mesa duket edhe te huajt ecin me idene shqiptare “kush del nga macja, gjuan minj”. Por qe ja, ne kete rast, mesa duket eshte gabuar. Me kosto, me kosto jeten e nje gjyqtareje, por qe u vra nga koleget e vet, me veprime e mosverpime ne “drejtesi”….