Siç ishte paralajmëruar më herët, në drejtoritë rajonale në Qarkun e Shkodrës vazhdojnë ndryshimet. Ka qenë radha e drejtorisë rajonale të AKU, ku bëhet me dije se drejtori Gjergj Sokoli, ka zyrtarizuar sot dorëheqjen.
Burime të ShkodraWeb bëjnë me dije se Sokoli ka përgatitur dorëheqjen që ditën e premte të javës së kaluar, ndërsa është depozituar sot zyrtarisht në dikasterin përgjegjës në Tiranë.
Përveç ndryshimeve, ka edhe rokadë. Kështu, Valbona Tula është komanduar si drejtorje rajonale e Sherbimit Social ndërsa është emëruar definitive si drejtore e Shtëpi Familje për të rinj 16-18 vjeç në Shkodër.
E kontaktuar nga ShkodraWeb, Tula bën me dije se ka qendruar 11 vite në këtë detyrë dhe nuk bëhet fjalë as për shkarkim e as dorëheqje të saj. Qarkullimi në pozicione të tjera, është proces krejt normal tha Tula për ShkodraWeb.
