Lavdrim Muhaxheri është vrarë nga një sulm ajror më 7 qershor në Siri, së bashku me 4 persona të tjerë nga Shqipëria.
Lajmi konfirmohet edhe nga koalicioni ndërkombëtar ushtarak, i udhëhequr nga Shtetet e Bashkuara të Amerikës.
Katër shqiptarët e tjerë që janë vrarë nga sulmet në Siri janë; Jetmir Ismaili, Razim Kastrati, Irfan Haqifi dhe Orhan Ramadani.
Departamenti amerikan i Mbrojtjes thekson se Jetmir Ismaili kishte lidhje të afërta me planifikuesit e sulmeve të jashtme terroriste të ISIS-it në Evropë dhe në Siri.
Orhan Ramadani është vrarë më 21 maj në Siri, Razim Kastrati më 16 qershor. Kastrati sipas raportit të Departamentit Amerikan merrej me trajnimin e luftëtarëve të huaj nga Evropa Juglindore.
Ndërsa Irfan Haqifi, i cili njihej edhe si zëvendës i Muhaxherit është vrarë më 7 qershor, ndërsa ishte përgjegjës për rekrutimet e luftëtarëve të ISIS-it nga Evropa.
Por emri më i njohur nga të gjithë padyshim që ishte Muhaxheri. Ai ishte një nga komandatët e shtetit Islamik të ISIS.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
