Kreu i Partisë Demokratike Lulzim Basha ka reaguar pas deklaratave të bëra sot nga Sali Berisha.
“E trishtueshme kur dëgjon sa poshtë ka rënë Sali Berisha. Asnjë trillim, mashtrim, të thash e me the, nuk do ta shndërrojë PD në mburojë të interesave të tij personale”, shkruan Basha në një postim në “Twitter”.
Ish-kryeministri tha gjatë foltores së sotme se burime amerikane i kishin bërë me dije se Basha i kërkonte ambasadores Yuri Kim që të bisedonin jashtë zyrës pasi dyshonte se Berisha kishte vendosur përgjues.
