Mbrëmja e të hënës ishte e fundit për Albri Brahushën mes të gjallëve. Shkrimtari dhe publicisti i niohur ka ndërruar jetë në moshën 50- vjeçare.
Pak ditë pas vitit te ri, ai u sulmua nga një cirozë akute dhe për këtë arsye, u shtrua në spital. Lajmin e trishtë të ikjes së Brahushës, e ka dhënë përmes rrjeteve sociale vëllai i tij.
Homazhet në nder të tij, zhvillohen në hollin e teatrit “Migjeni”, me datë 7 Shkurt 2024, ora 10:00-12:00.
JETËSHKRIM
Albri Brahusha lindi në Shkodër ne vitin 1973. Në vitin 1996 kreu studimet e larta për drejtesi ne universitetin e Shkodrës “Luigj Gurakuqi”.
Ai ka qënë jurist pranë Insitucionit të prefektit në vitin 1997-1999, shef I zyres juridike te prefekturës ne vitin 2000, Drejtor i Drejtorisë së Koordinimit te Politikave Rinore pranë Ministrisë së Kulturës nga viti 2000-2003.
Ne vitin 2014 – 2015 emërohet përgjegjes i zyrës së programeve të zhvillimit pranë Drejtorisë Arsimore Shkodër.
Në fushën artistike ai ështe autor i librave, ndërkohë që është autor i veprave teatrale të vëna në skenën e Teatrit “Migjeni” : “Përrallat gënjejne”, me regji te Serafin Fankos, “Vizita e fundit”, “Ishulli i Shitenit”, “Drejt perëndimit”,” Përtej kufijve të pushtetit”, “Eldorado”. Ai u vlerësua me shumë çmime kombëtare dhe ndërkombëtare.
