Një ngjarje e rëndë ka ndodhur sot në lagjen “Dardania” në Prishtinë nga ku një person i ka marrë jetën nuses së djalit, gruas së tij dhe më pas “ia ka hequr” edhe vetes. Mësohet se ngjarja ka ndodhur ne prani te nje vajze 2-vjeçe, qe dyshohet se ishte mbesa e tij. Rastin për Gazetën Express e ka konfirmuar kryeprokurori i Prokurorisë Themelore në Prishtinë Imer Beka. Ai ka dhënë detaje nga ngjarja e rëndë, e cila ka tronditur kryeqytetin kosovar. Ndërkohë, mësohet se në vendngjarje policia po punon për sqarimin e rrethanave të ngjarjes dhe shkaqeve të mundshme të saj.
“Sot rreth orës 13:20, policia ka marrë informacionin për nje vdekje te dyshimte ne rrugen “Bill Klinton” në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Nga informacionet e para në vendin e ngjarjes dyshohet se nga arma e zjarrit janè vrare tre persona. Vdekjen e viktimave e ka konstatuar ekipi mjekesor ne vendngjarje. Aktualisht njësitet policore janë duke punuar ne sqarimin e të gjitha rrethanave që kanë të bëjnë me rastin”, ka bërë të ditur Flora Ahmeti.
Gazeta Express mëson se burri që kreu vrasjen ka qenë i sëmurë psikik, ndërsa familjarët e tij ishin rrezikuar edhe më herët. Ai edhe para një viti kishte tentuar të vriste gruan e tij, e policia i kishte konfiskuar armët. Sic mëson Express nga vendit i ngjarjes, ky person kishte blerë sërish armë dhe sot ai u mori jetën dy familjareve dhe vetës.
