Atleti Izmir Smajlaj është ç’veshur nga çdo akuzë e Njësisë së Integritetit të federatës botërore dhe do të mund të rikthehet në aktivitet.
Më 9 dhjetor atij iu mohua kjo e drejtë, pasi bashkë me zyrtarët e federatës shqiptare të atletikës akuzoheshin se kanë manipuluar rezultatin e garës së 2021 në Tiranë që e dërgonte në Lojrat Olimpike të Tokios.
Megjithatë të njëjtin fat nuk kanë patur drejtuesit e federatës, presidenti Gjergj Ruli dhe sekretari i përgjithshëm Nikolin Dionisi. Gjykata Sportive për zgjidhjen e konflikteve në Nicë të Francës i shpalli fajtorë dhe i dënoi me respektivisht me 4 dhe 5 vite përjashtim.
Smajlaj përveçse kampion kombëtar në 2017 u shpall edhe kampion Europe në salla të mbyllura.
