Shkruan në Facebook Tonin Marinaj, kryetar i Bashkisë Malësi e Madhe: Bratoshi nuk kthehet kurrë më pas! Me investimet që kemi kryer në infrastrukturë, në godinën e shkollës dhe në qendrën shëndetësore, ky komunitet fisnik ka vendosur të ecë vetëm përpara, sepse e kupton se ne jemi alternativa e vetme që mund të realizojë projekte të tjera të nevojshme për këtë zonë.
Përfundimi i rrugës Bratosh-Vrrith do t’i japë një tjetër impuls zhvillimit ekonomik, social dhe turistik. Bashkë bëjmë shumë për Bratoshin dhe për Kastratin.
Edhe Vrrithi ka zgjedhur të ecë përpara për 4 vite të tjera me punë, investime dhe shërbim ndaj njerëzve. Banorët e Vrrithit meritojnë të gjithë gadishmërinë tonë për t’iu shërbyer dhe për t’i mbështetur nismat e tyre që zhvillojnë dhe fuqizojnë ekonominë.
Do të përfundojmë rrugën që lidh Vrrithin me Kastratin për të plotësuar me infrastrukturë të gjitha pikat e turizmit malor të Malësisë së Madhe, sepse duam të bëhemi të parët në rajon për numrin e turistëve dhe për të ardhurat që vijnë nga turizmi.
