Ambasadori Lu ben presion apo edhe ai si shqiptaret denoncim pa emra!

Nga Blerti Delija

“Katër klane kryesore kontrollojnë 20 familje kriminale që menaxhojnë operacione kriminale ku përfshihen trafiku njerëzor, shantazhi, vjedhja e makinave, dhe pastrimi i parave.”. Kjo eshte deklarata “bombe” e ambasadorit te SHBA ne Tirane Donald Lu. Ne fakt, edhe Lu si Rigerta, thjesht na perseriti dicka qe ne shqiptaret qe jetojme brenda kufijve shteterore, e dime me vetem nje ndryshim: numrin dhe emrat.

Fjalet e ambasadorit Lu, ndryshe nga te gjithe diplomateve te tjere ne vend, kane nje peshe specifike me te madhe jo vetem per politiken, por edhe opinionin publik. Mirepo, si duhet lexuar ky deklarim i Lu-se?

Nuk ka as me te voglin dyshim qe Lu ka informacion, madje shume. Mbase me shume se edhe angjencite ligjzbatuese ne vend. Here pas here, publikisht, ai eshte shprehur per lufte ndaj krimit, edhe pse ne disa raste duke e tepruar ne dem te sovranitetit te institucioneve tona. Qe krimi eshte zgjeruar dhe modernizuar per keq ne kete vend, e dime te gjithe. Por sot Lu na krijoi pershtypjen e nje strukturimi te qarte te krimit, deri ne kristalizim ne tij perballe nje shteti qe ne rastin me te mire, mund te cilesohet i fjetur. Kemi 4 klane te fuqishme, nen kontrollin e te cilave jane 20 familje kriminale. Lu ka informacion. Praktikisht me kete deklarate diplomati ka thene: Urime, edhe ne Shqiperia eshte instaluar sistemi i organizimit mafioz, nen shembullin e Italise. Po pse mbetet deri ketu deklarata e tij? Ai ka treguar se nuk e ka problem edhe te cenoje (me fjale) deri edhe sovranitetin e institucioneve, permes deklaratave imponuese. Vertete eshte diplomat, por nje deklarate si e sotmja mund te konsiderohet thjesht nje mesazh per dike/disa nga rradhet e udheheqjes politike te vendit, ne mazhorance e ne opozite kuptohet. Paralelisht, per ata qe shqetesohen per kete vend ku po jetojme, eshte edhe nje ngjallje paniku sepse pranohet se krimi ka nje strukture te sakte, te konsoliduar. Ndihma e vertete e Lu per qytetaret me shume se per politikeberesit, do te ishte vazhdimi i deklarates se bere. Ne fakt ai ka cituar disa emra “te fortesh” brenda e jashte burgjeve, por nese ata do te lidheshin me “4 klane e 20 familje kriminale”, ceshtja do te ishte me e lehte, me e thjeshte dhe me pak e frikshme edhe per publikun. Jam i bindur se Lu nuk e ka patur per keta “te forte” dhe “klanet e familjet” e tyre. Sipas gjasave, ka lene dicka pa thene publikisht por institucioneve e drejtuesve te tyre ua ka vene ne dispozicion. Kjo besoj, per nje arsye te thjeshte: Klanet dhe familjet e denoncuara kane lidhje direkt apo indirekte me politiken e politikeberes te rendesishem ne vend. Nuk dua ta besoj se ne keto vite te qendrimit ne Shqiperi, ambasadori Lu ka marre “veset” e politikaneve shqiptare: Akuzojne pa emra kur duhet te thone te vertetat dhe hapin “librat e shtepise” kur duan te sulmojne politikisht!