Nese eshte sugjerim i keshilltareve, mbase Basha tashme i ka larguar ata qe ishin “mizerabel”. Nese eshte intuite apo strategji e tij, atehere Basha po arrin te perthithe frymen qe duhet te mbizoteroje brenda PD-se. Lulzim Basha si “Mic Sokoli” i vuri sot gjoksin “topit” mazhoritar. Rreshtoi PD-ne para foltores se Kuvendit, duke thyer edhe “te fortin” Gramoz Ruci. Pervec mbylljes “ngrij- shkrij” te seances se sotme plenare, Basha mbajti te gjithe grupin parlamentar, perfshi edhe Berishen ne sallen bosh te Kuvendit, qe sipas Rucit duhet te nise punimet e nderprera plot 5 here ne oren 18.00. Teorikisht, Basha nuk duhet te jete ne salle, ndersa Garda praktikisht nuk mund ta preke me dore liderin e opozites per ta nxjerre me force nga salla. Nese nuk arrihet nje marreveshje, e cila thuhet se po negociohet edhe ne keto momente, nuk do te kete seance plenare pa Bashen ne salle.
Basha mori sot denimin e pare parlamentar ne jeten e tij. E mori pas rikthimit si deputet nga posti i kryebashkiakut, por edhe si lider i PD-se e opozites. Ne syte e bazes demokrate, ashtu duhet te veproje. Profili i “liderit europian” e modern nuk i solli shume ne krye te PD-se. Ndryshimi i stilit te tij eshte i qarte dhe nese vijon keshtu, do te hyje ne ullukun e celur nga Berisha ne drejtimin e PD-se. Ky radikalizim i papritur, eshte edhe nje mesazh per grupin anti- Basha. Keta te fundit e kane akuzuar per flirt me kryeministrin Rama por edhe per opozite te mekur. Pergjigja e sotme eshte e qarte: jo opozite e mekur, por radikale! Mbyllet keshtu edhe nje hapesire e vogel ku mbase anti- Bashet mund ta sulmonin akoma kreun e PD-se.
Qendrimi i sotem i Bashes dhe PD ngjason si dy pika uji me ate te kryetareve te partive te vogla ne pranveren e 2008-es kur po kalonin ndryshimet e thella kushtetuese. Meta dhe disa kryetare te tjere, bllokuan sallen dhe parlamenti i hapi rruge nje greve urie, e cila ne finale nuk ndryshoi asgje. Nese ky radikalizem i Bashes do te vijoje, sipas gjasave do te marre nje rezultat qe nuk e imagjinon. Ne pamundesi per te bere te mundur zbatimin e rregullores se Kuvendit, Gramoz Ruci mund te ike nga kreu i tij. Sepse perbetimi i pare i tij ka qene pikerisht respektimi i rregullores se miratuar bashkarisht.
