Krimi po behet i pameshirshem, po vret edhe femijet…kjo eshte Mafia

Nga Blerti Delija

Nje femije 8- vjecar sot mund te kishte qene i vdekur, bashke me babane e tij ne nje veture. Zoti apo fati ka vendosur qe ai te jetoje, ndersa babai i tij eshte rende ne spitalin e Vlores. Sot u konsumua ai qe mund te konsiderohet atentati i rradhes ne Shqiperi. Policia mjaftohet te thote se dyshon per hakmarrje dhe po punon per gjetjen e arrestimin e autoreve. Pak ore pas atentatit, diku ne nje fshat te Fierit eshte gjendur nje makine e djegur, brenda saj nje arme kallashnikov, si ajo qe qe u perdor ne atentat.

Detajet me siper, per te treguar se atentati i sotem nuk ka qene rastesor, eshte pergatitur me kujdes. Jane vezhguar shenjestrat e atentatit, eshte bere edhe plani se cfare do te ndodhte me makinen pasi te vritej ai qe duhej vrare ne prite. Natyrisht, atentatoret edhe diten e sotme, dite e diel, kane ndjekur nga pas makinen mbi te cilen do te derdhnin dhjetra plumba. Sigurisht kane pare apo kane patur informacion se ne makine, pervec shenjestres kishte hipur edhe nje person tjeter. E bashke me ta, edhe nje femije 8- vjecar. Nuk ka asnje cudi se e kane ditur qe eshte djali ndoshta i shenjestres. Por c’rendesi ka, e kane ditur se ne makine ka qene edhe nje i mitur, me te vetmin faj: I ka kerkuar babait te tij ta nxjerre shetitje meqe eshte e diel sepse neser do te filloje serish shkolla… Ose i ka kerkuar te coje ne nje kend lojrash, per te shijuar nje akullore apo per te pire nje kapucino me te atin si “burre i madh” ne nje bar- kafe. Pak metra pasi kane nisur te levizin, dhjetra plumba, te shoqeruar me nje zhurme te tmerrshme qe ben nje kallashnikov, i kane prere ne mes endrrat. Para syve ka pare shume gjak qe dilte edhe nga trupi i babait te tij. Edhe 8- vjecari eshte lenduar, fatmiresisht pa pasoja per jeten. Dhjetra kalimtare dhe police kane kaluar para syve te 8- vjecarit, i cili mbase nuk dinte te vazhdonte rrugen drejt kendit te lojrave ku do ta conte i ati, apo te kthehej ne shtepi…apo te shkonte ne spital bashke me babane e lare ne gjak… 8- vjecari shkoi ne spital, duke pare ti shemben mbese perjetesisht, endrrat qe ushqejne realitetin e tij te perditshem….

Ky eshte krim. Madje me shume se krim, eshte krim makaber. Nuk kursen jo e jo te rriturit, te cilet mbase nuk kane asnje lidhje me shenjestren, por tanime nuk kursen as femijet e mitur. Kjo eshte Mafia! Nuk ka asnje justifikim ne emer te hakmarrjes qe godet jeten e nje individi, sidomos te nje femije. Edhe ne Italine e para viteve ’90, mafia kishte disa rregulla, te cilat per hir te se vertetes, me kalimin e viteve dhe ashpersimin e luftes me shtetin dhe ne mes bandave rivale, u prish. Grate dhe femijet nuk jane prekur, nuk jane demtuar fizikisht. Kjo fatkeqesisht do te thote se Mafia ne Shqiperi tashme ka kaluar nje faze, qe ne gjuhen e mafiozeve quhet “burrni”, per te mos cenuar ata qe nuk kane lidhje me hakmarrjen, por vecanarisht grate e femijet edhe nese jane te aferm te shenjestres.