Nga Gjermania ka dalë një akuzë e fortë, sipas së cilës ka patur një komplot karshi pilotit Sebastian Vettel nga ana e Red Bull dhe makinës së saj satelit Toro Rosso. Sipas mediave gjermane, aksidenti mes dy makinave Toro Rosso në garën e fundit në Kinë nuk ka qenë i rastësishëm, por i planifikuar nga Red Bull, në mënyrë që dy pilotët e saj të ndërrojnë gomat pasi të tjerët e kishin bërë këtë gjë më parë dhe të fitonin garën. Ashtu sikurse edhe ndodhi më pas në garë, me triumfin e australianit të Red Bull, Daniel Ricciardo.
Akuzat shtohen edhe më shumë kur piloti tjetër i Red Bull, Max Verstappen goditi Sebastian Vettel pak xhiro nga fundi, duke bërë që ferraristi ta mbyllë garën në vendin e tetë, shkruan telesport. Një gjë është e sigurt se aksidenti mes dy makinave Toro Rosso ndryshoi fatin e garës, pasi në pistë hyri makina e sigurisë, që u lejoi makinave Red Bull të vendosnin gomat e buta dhe fitonin garën. “Komploti i demave kundër Vettel”, shkruajnë mediat gjermane, që i kërkojnë FIA-s të hetojë këtë ngjarje dhe jo ta konsiderojë atë një aksident të zakonshëm gare./balkanweb/
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
