Borxhet dhe faturat e papaguara duket se e kanë shtyrë drejt vetëflijimit sportistin dhe trajnerin e njohur korçar, Gjergji Kushe, që u hodh mesditën e djeshme nga kati i katërt i një pallati në qendër të qytetit në gjendje të rënduar psikologjike. Të paktën kështu e ka shpjeguar vetë Kushe situatën ku ndodhej në një letër të shkruar për të afërmit e tij, të gjetur nga policia në banesë.
“Nuk e përballoj dot më këtë gjendje, më kuptoni. Çdo ditë e vuaj gjendjen në të cilën ndodhem, me faturat e papaguara dhe disa borxhe, ndaj nuk dua të jetoj më. E kam menduar gjatë dhe e kam vendosur”,- shkruhej në letrën që iu gjet në banesë.
Duke iu referuar burimeve konfidenciale në polici, gazetarja Ledjona Xheladinaj bën me dije për BalkanWebse letra e shkruar nga vetë Kushe lënë për të afërmit e tij shpjegonte shkaqet që e çuan atë drejt aktit fatal. ” Nuk e përballoj dot më këtë gjendje, më kuptoni. Çdo ditë e vuaj gjendjen në të cilën ndodhem, me faturat e papaguara dhe disa borxhe ndaj nuk dua të jetoj më. E kam menduar gjatë dhe e kam vendosur…”- shkruhej në letrën e cila u gjet në banesën e tij, raporton BalkanWeb.
këtë letër, 59 vjeçari është hedhur në drejtim të rrugës kryesore nga një lartësi mbi 15 m duke gjetur vdekjen e menjëhershme ndërsa dëshmitarë të shumtë të kësaj skene, banorë dhe kalimtarë të rastit kërkuan ndihmën e ambulancës dhe policisë por pa mundur ti shpëtojnë jetën.
Edhe pse përgjatë vitit të fundit kishte nisur betejën me alkoolin, gjendja e tij psikologjike ishte rënduar së tepërmi. Pas vitit 2012 Kushe e kishte pasur të pamundur të vazhdonte punën si trajner por edhe mësues i edukimit fizik për shkak të problemeve shëndetësore të lindura si pasojë e konsumit të alkoolit ndërsa trajtohej me KEMP. 59-vjeçari jetonte i vetëm në apartamentin e tij pas vdekjes së nënës ndërkohë që sipas të njohurve të tij kohët e fundit ishte në një gjendje tepër të rënduar psikologjike. Q ë në moshën 18 vjeçare Kushe arriti fitojë titullin “Kampion” me Vllazninë, vazhdoi një karrierë të gjatë sportive duke punuar me parë me të rinjtë, e më tej duke u kthyer në një prej trajnerëve më të njohur të portierëve të “Skënderbeut”.
