Vllaznia dhe Partizani luajnë të shtunë në 16:45 në “Loro Boriçi”. Sfida vlen për javën e 30 të Superligës, me dy skuadrat që luftojnë për një vend në Kupat e Evropës.
Përpara ndeshjes, për mediet ka folur lojtari i Vllaznisë, Esin Hakaj. Mëngjarashi ka treguar se kalimi në finalen e Kupës i ka dhënë një tjetër shtysë ekipit, që tanimë kërkon të sigurojë vendin e katërt. Kujtojmë se Hakaj më herët ka mbajtur veshur edhe fanellën e Partizanit.
“Kupa na çoi në një finale që mund ta fitojmë, një trofe që në kampionat nuk na jepet mundësia. Nëse fitojmë jemi në Kupat e Evropës.
Forma sportive – Çdo gjë ka qenë mirë.
Partizani ka pasur ndryshime në ekip, te Vllaznia mund të them se kalimi në finalen e Kupës n aka dhënë një shtysë më shumë. I bëj thirrje tifozëve të jenë në stadium, janë një mbështetje e madhe për ne”, tha Esin Hakaj, mbrojtësi shkodran.
