Grupi A i Kupës së Shqipërisë ka luajtur ndeshjet e saj të kthimit, duike mbyllur kështu turin e parë dhe duke mësuar skuadrat që janë kualifikuar në turin e dytë.
Kështu Lushnjës, Bylisit dhe Dinamos, i bashkohen edhe Tirana, Partizani, Vllaznia, Kastrioti dhe Korabi.
Bardheblutë kryeqytetas u mjaftuan me një barazim përballë Veleçikut, me rezultatin 2-2. Edhe pse sfida nisi mirë për miqtë, të cilët kaluan në avantazh të dyfishtë, Tirana nuk i lejoi vetes gabime dhe shënoi dy herë me Zhivanajn.
Partizani bëri detyrën përballë Orikut, duke triumfuar me rezultatin 0-2, ndërsa Vllaznia fitoi 3-0 përballë Flamurtarit dhe kuqeblutë “shpërbënë” miqtë me dy gola në dy minutat e shtesës 2 herë nga 15 minuta pas lojës së rregullt.
Kastriotit i mjaftoi një barazim 0-0 në Vorë, duke u kualifikuar me rezultatin e ndeshjes së parë, që ishte 1-0 për krutanët, ndërsa Korabi nuk gaboi përballë Besës, duke triumfuar me rezultatin 3-0.
