Trajneri i Vllaznisë Mirela Josa ka thënë se e priste shtesën në ndeshjen e dytë me Flamurtarin për Kupën e Shqipërisë n[ “Loro Boriçi”. Timonieri i kuqebluve, e ka deklaruar këtë në daljen e zakonshme për gazetarët pas ndeshjes.
Josa ka thënë se kualifkimi nuk i mbyll problemet e ekipit, duke nisur nga dëmtimet e lojtarëve të rëndësishëm të ekipit. Ai ka thënë se do të ishte mirë që unë si trajner por edhe ju si media, ti lini të qetë futbollistët.
Trajneri kuqeblu ka folur edhe për sfidën me Laçin për Superligën, duke e konsideruar jo të lehtë për shumë faktorë që ai i ka cituar. Ai ka shtuar se duhet ta përgatisim skuadrën për këtë ndeshje.
Në përgjigje të pyetjeve të gazetarëve, Jusa e ka thënë qartë se “nuk duhet të mendojmë se kemi super ekip” duke kërkuar të ulë me këmbë në tokë futbollistët, tifozët e mediat. Ai ka siguruar se nuk ka ndërhyrje për lojtarët që duhet të aktivizojë, duke u shprehur se “ju e njohni karakterin tim”.
Vllaznia ia doli të kualifikohet ndaj Flamurtarit për Kupë, duke fituar 3- 0 dhe përmbysur rezultatin e ndeshjes së parë 1- 2 në Vlorë. Megjithatë, u deshën 30 minuta shtesë që kuqeblutë të hipotekojnë kualifkimin. /ShkodraWeb/
