Shkodra nuk ka më asnjë dyshim dhe në 6 Mars zgjedhja e qytetarëve të saj do të jetë koalicioni “Shtëpia e lirisë” dhe kandidati Bardh Spahia.
Takimet me banorë e biznese në bulevardin “Bujar Bishanaku”, i shërbyen kandidatit Spahia për të marrë problematikat që ato hasin në përditshmëri, por edhe për t’ju premtuar atyre se do të jetë një shërbëtor i ardhshëm në krye të bashkisë, duke mbrojtur fort interesin e Shkodres dhe të shkodranëve.
Sot më shumë se kurrë kemi nevojë për shprese, e veçanërisht rinia që të ardhmen duhet ta ndërtojë në vendlindje tha kandidati Spahia, duke i ftuar qytetarët të përqafojnë alternativën më të mirë, “Shtëpinë e lirisë”.
Degjesat dhe takimet me qytetarët janë mundësia më e mirë për të shërbyer me transparencë dhe vizion nesër në krye të bashkisë, prandaj kandidati Spahia ka garantuar se do të jetë pas 6 Marsit kryebashkiaku që do t’i rikthejë Shkodres vlerat që i ka patur gjithmonë.
