Kryeministri Edi Rama ka publikuar ‘Komunikimin Javor’ në “facebook”, ku ka mbledhur kabinetin e tij qeveritar. Në fjalën e tij Rama tha se asnjëherë më parë qeveria nuk ka pasur skuadra si këto që janë krijuar, ndërsa i bëri apel ministrave dhe zv. ministrave që vizioni i tyre të udhëheqë skuadrën. Kryeministri gjithashtu ka radhitur të gjitha kërkesat dhe detyrat drejtuar ministrive për këtë mandat qeverisës.
Rama kërkoi bashkëpunim dhe frymë skuadre nga të gjithë ministrat duke theksuar se kundërshtarët nuk janë aspak të dobët.
“Kundërshtaret tanë në fushën tonë, që vetëm lojë nuk është, s’ janë aspak të dobët, përkundrazi janë të egër dhe të rrezikshëm. Papunësia, korrupsioni dhe cinizmi, sa për të përmendur kryesorët”, ka thënë Rama.
Gjithashtu Rama në komunikimin e tij me ministrat e ka cilësuar opozitën si të dobët që vetëm shan dhe ulëret, por nuk e ka përjashtuar këtë nga ‘rreziku’ që i kanoset kësaj qeverie.
Gjithashtu Rama ka cilësuar popullin si aleatin e tij kryesor në këtë mandat të dytë.
“Ne kemi vetëm dy aleatë të mëdhenj në këtë betejë aspak të lehtë. Kemi popullin të cilin duhet ta fitojmë çdo ditë me çdo betejë dhe dëshirën tonë”, ka thënë kryeministri.
https://www.facebook.com/edirama.al/videos/10155208379526523/
