VIDEO – PS inauguron dy bashkëkryetarët, për drejtuesen politike Edona Bilali ëndrra mbetet fitorja e Bashkisë Shkodër

Partia Socialiste e Shkodrës ka inauguruar dy bashkëkryetarët e dalë në fund të një procesi që kulmoi me emërimin nga Kryesia e PSSH- së të Mirela Dodaj dhe Hilmi Lakti. Ka qenë drejtuesja politike e PS në Qarkun Shkodër, deputetja dhe ministrja e Sipërmarrjes Edona Bilali  që prezantoi dy kryetarët e rinj,

Bilali u shpreh se objektiv i vetëm pas përzgjedhjes së kryetarëve të PS të degës Shkodër është fitimi i Bashkisë Shkodër në zgjedhjet vendore të vitit të ardhshëm. Drejtuesja politike e PS Shkodër Bilali thotë se tensionet në mbledhjet e selisë rozë mund të mos ndërpriten as me ardhjen e dy kryetarëve të rinj sepse sipas saj PS Shkodër është një qënie e gjallë.

Bilali thotë se nuk do jetë një drejtuese politike e cila do mbivendoset duke mos lejuar dy kryetarët e rinj të PS Shkodër që të kenë hapësirën e tyre në organizimin e partisë në bazë, gjë e cila në këto 32 vite nuk ka funksionuar por drejtuesja politike tregon se do jetë një model tjetër. Mirela Dodaj, njëra prej drejtueseve të PS Shkodër e ndjen një përgjegjësi këtë funksion të ri të saj ndërsa mban edhe postin si drejtore e postës në Shkodër. Hilmi Lakti i cili do bashkëdrejtojë PS Shkodër shprehet se do vijojë që të jetë një zë kritik brenda PS edhe pasi u zgjodh si njëri prej kryetarëve.

Ps prezantimit dy bashkëkryetarët e PS Shkodër dhe drejtuesja politike Bilali takuan disa prej strukturave të cilët morën pjesë në këtë prezantim zyrtar të drejtuesve të rinj të PS Shkodër.