Presidenti i Republikës, Ilir Meta konferencën e parë për vitin 2022 e nisi me çështjen e zgjedhjeve vendore dhe në ato bashku që kanë mbetur pa kryetar. Sipas Kreut të Shtetit, ai ka pritur vendimin e gjykatës kushtetuese, që sic argumentoi Kreu i Shtetit Kushtetuesja nuk pati vullnet t’i jepte zgjidhje, duke ia lënë në dorë juridiksionit politike.
“Ju më keni pyetur se cdo të bëhet me zgjedhjet vendore, me bashkitë që janë pa kryetarë dhe unë ju kam thënë se i qëndroj premtimeve dhe pres vendimin e gjykatës kushtetuese dhe këtë kemi pritur prej dy vitesh.
Nuk u nxitova kur gjykata kushtetuese dhe vendimin e saj, apo mos vendimin e saj sepse kam dashur të kem një informacion të plotë për çfarë ka ndodhur dhe për detyrimet që lindin për institucionin e presidentit në këtë proces.
Lidhur me zgjedhjet e pushtetit vendor ku prisnim që gjykata kushtetuese ti kthente mundësinë popullit shqiptar vullnetin e tij, përkundër kësaj pritshmërie legjitime do të duhet të kishte një vendim përfundimtar të gjykatës kushtetuese, ndërsa kjo gjykatë nuk mori asnjë përgjegjësi. Kushtetuesja e shpalli veten jo kompetente dhe e la këtë çështje pa një zgjidhje përfundimtare duke mos i hyrë në themel të shqyrtimeve. Me vendimmarrjen e saj gjykata nuk pati vullnet ta zgjidhte por ja la dorë juridiksionit politik. Pasi u njoha me vendimin e Gjykatës Kushtetuese, unë i kërkova një kopje të dosjes gjyqësore.”, ka thënë Meta.
Në vijim ka thënë kreu i shtetit, i kam kërkuar Komisionerit Shtetëror të Zgjedhjeve informacion për bashkitë që janë pa kryetar. Në vijim të kësaj përgjigje zyrtare, ka bijuar Meta, do të vazhdojmë procedurat sipas ligjit në interes të qytetarëve.
