VIDEO – Përfundon në Velipojë “LAS Festival”, festivali i skulpturave në rërë, synohet kthimi i eventit në traditë të përvitshme

Velipoja ka qënë kryefjalë e ditëve të fundit fale imazheve fantastike të skulpturave në rërë sjell nga festivali i parë i skulpturave në rërë që zhvillohet në Shqipëri, LAS Festival. Të shtunën në mbrëmje ka qënë edhe përmbyllja e këtij eventi unik në plazhin e Velipojës.

Fitues i edicionit të parë të këtij festivali, është shpallur artisti nga kroacia me mozaikun unik të bërë në rërë në grykëderdhjen e Bunës.

Imazhet e skulpturave në rërë të realizuara nga artistët shqiptar, ato nga Kosova dhe disa shtete europiane, i dhanë një tjetër imazh Shqipërisë turistike.

Land & Sand Festival, e bëri Velipojën dhe imazhet e saj kryefjalë të turizmit në Shqipëri duke tërhequr vemendjen e turistëve vendas dhe të huaj. Nderkohë që sheshi ku u mbajt ky festival në Velipojë u kthye në një shesh festiv duke nisur nga më të vegjlit tek artistet me famë botërore.