Policia ka bllokuar qarkullimin mbi urën e Bahçallëkut, në hyrje të qytetit të Shkodrës. Masa është marrë pas shembjes së urës së vjetër të Bahçallëkut, nga furia e lumit Drin.
Ekziston frika se inertet e urës së vjetër, të merren para nga furia e ujit të lumit Drin dhe të përplasen tek këmbët e urës së re, duke rrezikuar demtimin e saj deri në shembje.
Persona që kanë kaluar në këto momente mbi urën e Bahçallëkut, bëjne me dije se ndjehet vibrimi i saj nën furinë e ujit tek këmbët e saj. Masa e marrë nga policia duhet vlerësuar.
Nga ana tjetër, nuk duhet harruar se ura e Bahçallëkut lidh qytetin e Shkodrës me pjesën tjetër të vendit nga drejtimi i Tiranës. Rruga alternative është ajo që kalon nga Guri i Zi për tu futur në superstradën Bushat- Tiranë tek kthesa e Vau Dejësit.
Për amortizimin e kësaj ure është folur shpesh por deri më sot, askush nuk është kujtuar. Shpresoj që ngjarjet e ditës së sotme, të ngjallin interesimin më të madh të institucioneve.