Mirel Josa ka dalë para mediave pak orë para ndeshjes së Vllaznisë së tij me Tiranën. Tekniku tiranas i Vllaznisë, në përgjigje të pyetjeve të gazetarëve, ka thënë se shtyrja me një ditë e ndeshjes për shkak të protestës, ka ndikuar pozitivisht.
Josa ka thënë se objektivat e Vllaznisë janë javorë. Kështu, objektivi javor i kuqebluve, ka thënë ai, janë marrja e tre pikëve në Tiranë. Në vijim, tekniku tiranas ka folur edhe për oshilacionet e këtyre fazave të Superligës, duke thënë se Vllaznia ka luajtur mirë si në Shkodër, ashtu edhe jashtë.
Trajneri kuqeblu ka folur edhe për tifozët, të cilëve u ka kërkuar që ta mbështesin e ta duan Vllazninë. Ai është shprehur i kënaqur për rikthimin e lojtarëve të dëmtuar, ndërsa ndeshjen e Super Kupës e ka cilësuar si nxitëse e ekipit për Superligën.
Josa ka thënë se nuk kemi luksin të bëjmë paraqitje të ndryshme në transfertë apo në shtëpi, duke nënvizuar se Vllaznia nuk e ka këtë luks në ndeshjet e veta për Superligën.
