Ka nisur zbatimi i projektit “Nxitja e përfshirjes sociale dhe zhvillimit të komunitetit”, që ka në fokus zhvillimin e zonave periferike, duke ofruar shërbime me bazë komunitare. Takimi u mbajt në mjediset e ish shkollës veterinare, e cila po shkon drejt përfundimit të plotë, pasi ka nisur zbatimi i fazës përfundimtare të punimeve.
I pranishëm në këtë takim, kryetari i bashkisë Bardh Spahia e cilësoi të rëndësishme punën që është bërë, duke theksuar se kjo qendër e re multifunksionale i jep një tjetër zhvillim zonës, duke i shërbyer të gjitha grupmoshave, që nga më të vegjlit e deri tek të moshuarit.
Drejtori i projektit BE për bashkitë Elton Stafa përgëzoi bashkinë Shkodër për punën e bërë deri më tani, ndërsa shprehu bindjen se me përmbylljen e plotë të punës, kjo do të jetë një prej qendrave model në të gjithë Shqipërinë.
Realiteti i krijuar në këtë godinë është krejt tjetër nga ai egzistonte deri përpara pak muajsh. Sot kjo qender multifunksionale pritet të jetë në shërbim të banorëve të kësaj zone si një kopësht, çerdhe, qendër rekreacioni për rininë, zyra administrative për dhënien e shërbimeve dhe qendër shëndetësore.
Nga viti i ardhshëm ajo pritet të jetë në funksion të plotë dhe duke i dhënë lagjes Kiras një tjetër mundësi zhvillimi dhe promovimi.
