VIDEO – “Ngrihet” stadiumi “Loro Boriçi”, Egnatia në avantazh me Vllazninë në fund të 45 minutave të para…

Ka dominuar ndeshjen por mbyll 45 minutat e para të ndeshjes në disavantazh. Vllaznia është ndëshkuar nga një gabim i mbrojtjes duke pësuar gol në minutën e 40- të me autor Ademin e Egnatias.

Deri në atë moment por edhe më pas, vendasit kishin kontrollin e plotë të ndeshjes, duke patur edhe mjaft raste për të shënuar. Goli nuk doli për kuqeblutë, ndërsa u shënua nga vendasit që gjatë gjithë ndeshjes mbroheshin me 11 lojtar në gjysmëfushën e tyre.


Gabim i mbrojtjes shkodranë që lejon Ademin të bëjë 50 metra me topin në këmbë duke u shfaqur para Zogoviç e mposhtur lehtësisht këtë të fundit. Vazhdimi i lojës dhe tre minutat shtesë, nuk sollën asnjë ndryshim.

Mbeten edhe 45 minuta që Vllaznia të përmbysë rezultatin që në letër, duhej të ishte e lehtë për kuqeblutë. Pjesa e parë tregoi se ka volum loje por nuk ka një person që shtyn topin në rrjetë. Të shohim nëse Brdariç do arrijë të karikojë sa duhet të tijët apo të bëjë zëvëndësimet e duhura.