Vllaznia del kokëulur nga tapeti i gjelbër i “Loro Boriçit”. Kuqeblutë kanë shmangur humbjen në një ndeshje ku shiheshin si favoritë falë një goli në minutën e 71- të nga Ardit Krymi.
Egnatia ndali Vllazninë në një tjetër barazim, i katërti radhazi teksa duket se shkodranët kanë “harruar” të fitojnë. Edhe sot skuadra luajti mirë, dominoi por pas një gabimi të mbrojtjes ishin miqtë që shënuan në minutën e 40- të me Ademin.
Pjesa e dytë me të njëjtën pamje, Egnatia e rreshtuar e gjitha në mbrojtje me shpresën për kundërsulm, i cili nëse nuk do të ndërhynte Zogoviç do të çonte në dy golat e miqtë me Xhekson në minutën e 68- të.
Edhe ndryshimet e Brdariç nuk sollën më shumë se golin e barazimit me Kokë nga krymi në minutën e 71- të, pas një topi të dhënë nga Mustedanagiç. Vllaznia bën kështu një tjetër hap të gabuar në ndjekjen e kreut të Superligës. Tirana, Kukësi dhe edhe Laçi kanë mundësi të thellojnë distancën me shkodranët.
Lojërat e bukura si me Tiranën apo edhe dominimi si sot me Egnatian nuk kanë asnjë vlerë nëse nuk shënohet e sidomos, kur nuk merren tre pikë në Shkodër.
