Mimoza Selimi është një këngëtaret e njohura të muzikës së lehtë shqiptare. Përveç aktiviteteve të tjera e të shumta, Selimi ka marrë pjesë në Festivalet në RTSH në edicionin e 30- të dhe 31- të.
Mimoza Selimi ka një lidhje të veçantë me Shkodrën. Ajo është nga Lezha por në kryeqendrën e Veriut studjoi në shkollën “Prenkë Jakova”, duke i dhënë drejtim e hov talentit të saj.
Këto ditë këngëtarja e mirënjohur është në Shqipëri, por nuk mund të mungonte një vizitë në Shkodër, qytet që ka shënjuar jetën e saj. Ka takuar miq e kolegë, por e shoqëruar nga Astrit Fani, nuk ka harruar të vizitojë as Zotni Nardin.
“ZOTNI Nard Bushati , njeriu që kam pasur fatin ta kem në jetën time që kur fillova studimet në shkollën e muzikës «Prenk Jakova». Bekim për mua dhe për shumë e shumë Artistë të rinj që e filluam udhëtimin tonë artistik në Klubin e Rinisë «Heronjt e Vigut» në Shkodër!
Sapo ka festuar 90 vjetorin e uroj të festojë dhe 100 vjetorin e më shumë. Nuk gjej fjalë të shpreh rrespektin dhe mirënjohjen ndaj tij. Jam vërtetë e lumtur që e takova sot ZOTI TË BEKOFTË ZOTNI Nardi! FALEMINDERIT PËR GJITHÇKA!”, shkruan Mimoza Selimi, duke publikuar edhe një video emocionuese.
Po ashtu, për një periudhë kohe ajo ka qenë edhe moderatore në RTSH nga ku u largua për motive më shumë politike. Aktualisht Mimoza Selimi jeton në Zvlicër, ku punën edhe në Universitetin e Kulturës në Gjenevë. Mimoza Selimi është ambasadore e muzikës shqiptare në Zvicër.
