VIDEO – “Më shkatërrove nga nervat, ta tregoja unë po të ishe në shtëpi”, Greta Koçi ngacmon sërish të ëmën…

Pas rrengut për 1 prill, Greta Koçi ka publikuar një video në rrjete sociale duke treguar se çfarë i tha nëna e saj kur u takuan. Teksa i kujtonte se çfarë i kishte bërë, Greta nxori telefonin për të filmuar sërish të ëmën, e cila pa e ditur se po xhirohet thotë: “U mërzita the, unë u shkatërrova nga nervat, të kisha në shtëpi ta tregoja qejfin”.

Pasi e kupton se e bija po bën sërish të njëjtën gjë i kthehet: “Se mos po bën video prapë se të griva”.


Këtë e ka publikuar në Instagram, ku ka komentuar motra e saj Eni duke i thënë: “Sa perla të Dita Koci kam unë në telefon ehaaa. Meqë e hape lojën Greta, si thua ta vazhdoj unë me mrekullitë që kam në arkiv?”

Kujtojmë se për 1 prill, këngëtarja mori në kamera nënën e saj duke i thënë se ka një lajm të mirë për të.

“Kam blerë një qen sot në mëngjes. E mora ta mbaj në shtëpi”, i tha Greta nënës, e cila nuk e priti aspak mirë këtë lajm dhe iu përgjigj:

“Po për ça e doje? Për ça e doje që mos të vija unë aty se me qentë ti e di që nuk i duroj dot”.