VIDEO – “Do të japim gjithçka ta fitojmë ndeshjen në Shkodër”, kapiteni i Vllaznisë Gurishta shfaqet optimist…

Kapiteni i Vllaznisë Erdenis Gurishta beson edhe tek kualifikimi i kuqebluve në Conference League. Pak orë para ndeshjes në “Loro Boriçi”, në krah të trajnerit Mirel Josa, Gurishta premton se ekipi do të japë maksimumin në fushë.

Në përgjigje të pyetjeve të gazetarëve, Gurishta thotë se ekipi rumun është i mirë, por nuk duhet nisur vetëm nga vlerat në Transfermarkt që lojtarët e atij ekipi kanë aktualisht.

Duke luajtur në “Loro Boriçi”, përballë tifozëve të zjarrtë shkodranë, Gurishta flet edhe për fitore në ndeshjen e parë, por duke kujtuar se mund të kualifikohet Vllaznia edhe pa fituar në Shkodër.

Të enjten në orën 21.00, Vllaznia do të përballet me rumunët e Universitatea Craiova, një ekip që në letër duket më i favorizuar se kuqeblutë. Megjithatë, gjithçka do ta tregojë fusha e blertë.