VIDEO/ Debate tek “Integrimi”, Pollo- Bushatit: Rrugac! Ministri: Kerko falje! Iken nga mbledhja

Ka degraduar debati mes ministrit Ditmir Bushati dhe deputetit të PD, Genc Pollo, në Komisionin e Integrimit. Ata janë përplasur ashpër, ku biseda ka shkuar deri te fyerjet. Ka qenë deputeti Pollo që e ka  quajtur Bushatin rrugaç.

Ndërkohë, Bushati është larguar nga mbledhja pas debatit të fortë me Pollon, ku ky i fundit nuk ka pranuar t’i kërkojë falje ministrit. Para se të largohej nga mbledhja, Bushati tha se nuk lejon as Pollon dhe as Saliun ta fyejnë.

Bushati: Nuk të lejoj as ty e as Saliun tënd të më fyesh mua. Mua ketu më ke si ministër. Në qoftë se nuk ke piken elementare të edukates nuk mund të rri ketu. Kerkoj ndjese nga ana jote. Mos u ndje i indinjuar nga ajo që thashe per zonjen Bregu, që ka drejtuar këtë komision. Epitete të tilla nuk kane lidhje fare me mua. Por uroj të mos keni dhe ju. Në qoftë se nuk terhiqni epitetin ndaj meje do ta lë këtë mbledhje. Sali kuq nuk shkon, ka marrë fund kjo!

Pollo: Nuk ju fyeva. Ishit ju i pari që provokuat me sjellje prej rrugaçi.