Ambasadorja e SHBA- së në Shqipëri Yuri Kim, ka paraqitur letrat kredenciale tek Presidenti i Republikës Ilir Meta. Pas ceremonisë zyrtare, Merta ka bërë një publikim në Facebbok ku shprehet:
“I kënaqur të prisja dhe të pranoja Letrat Kredenciale të Ambasadores së re të SHBA, znj.Yuri Kim. SHBA një partner strategjik, i pazëvendësueshëm për Shqipërinë. Së bashku të përballojmë me sukses sfidat që ka vendi. Zoti e bekoftë miqësinë shqiptaro-amerikane! 🇦🇱🤝🇺🇸”.
Ndërkohë, Ambasada Amerikane ne vendin tone ka reaguar me nje shenim ne rrjetet sociale pas takimit te zhvilluar paraditen e sotme mes ambasadores se SHBA dhe presidentit te vendit, Ilir Meta.
Postimi i Ambasades se SHBA
Ambasadorja e re e Shteteve të Bashkuara të Amerikës në Shqipëri Yuri Kim i prezantoi letrat kredenciale Presidentit Ilir Meta sot në mëngjes. Pas ceremonisë, Ambasadorja Kim dhe Presidenti Meta biseduan mbi miqësinë e gjatë midis Shteteve të Bashkuara dhe Shqipërisë, si dhe përsëritën angazhimin e përbashkët për të vijuar përparimin e saj duke u mbështetur në forcën e marrëdhënies sonë.
