Pasditen e sotme, policia e Shkodrës ka vënë në pranga disa persona, të dyshuar si personat që lëviznin të armatosur dhe me maska në Grudë të Re. Lajmi është konfirmuar për ShkodraWeb nga burime të policisë.
Nga burime brenda Policisë së Shkodrës, ShkodraWeb ka mësuar se bëhet fjalë për tre të rinj të arrestuar. Nuk jepen mëshumë detaje, por mësohet se në momentin e arrestimit, iu janë kapur pistoletë dhe pushkë.
Tashmë ata janë në mjediset e DVP Shkodër dhe kanë nisur të pyeten lidhur me mundësinë e implikimit të tyre në situatën e krijuar prej rreth 1 jave në Grudë të Re.
Mbrëmjen e kaluar ShkodraWeb publikoi një mesazh të ardhur në redaksinë e saj, lidhur me denoncime për persona që lëvizin të armatosur, me maska, nuk lejojnë njerëzit të lëvizin pas orës 20.00 dhe ndalojnl makinat që qarkullojnë atje.
Po ashtu ShkodraWeb konfirmoi praninë e forcave të policisë prej një jave në zonë, me synim identifikimin e këtij grupi. Pritet që në orët në vijim të ketë një reagim zyrtar të policisë së Shkodrës lidhur me këtë çeshtje.
LEXONI EDHE: Çfarë po ndodh në Grudë të Re të Shkodrës, persona të armatosur nuk lënë banorët të dalin nga shtëpitë…
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
