![](https://www.shkodraweb.com/wp-content/uploads/2022/12/policia-naten-shkoder.jpg?x28643)
(foto ilustruese) Mbrëmjen e kaluar, në redaksinë e ShkodraWeb ka mbërritur një mesazh i një qytetari që denonconte një situatë të pazakontë në fshatin Grudë e Re në Rrethina të Bashkisë Shkodër.
Duke e konsideruar si një çeshtje sensitive, një situatë ku institucionet ligjzbatuese duhen sensibilizuar për verifikime të nevojshme, redaksia e ShkodraWeb vendosi të publikojë vetëm një pjesë të informacionit dhe një mesazh të vetëm nga disa të ardhur në median tonë.
LEXONI EDHE: MINUTA E FUNDIT – Arrestohen nga policia e Shkodrës disa persona në Grudë të Re, dyshohet se janë “të armatosurit”…
Ndërkohë, paralelisht, me burimet e mundësitë tona, kemi bërë verifikime të ndryshme nga të cilat rezulton si më poshtë:
Prej rreth 1 jave, sherbimet e Komisariatit të Policisë së Shkodrës janë në fshatin Grudë e Re, pikërisht nisur nga zërat apo aludimet që janë përhapur nga banorët për arsye të pashpjegueshme.
LEXONI EDHE: Çfarë po ndodh në Grudë të Re të Shkodrës, persona të armatosur nuk lënë banorët të dalin nga shtëpitë…
Sipas burimeve tona pranë policisë së Shkodrës, janë pyetur shumë banorë por edhe drejtues institucionesh të ndryshme shtetërore dhe jo shtetërore, të cilat nuk kane e evidentuar asnjë problematikë, të asnjë lloji që lidhet me çeshtje rendi, sigurie apo qetësie publike.
Ndërkohë, sipas burimeve te ShkodraWeb, prania e policise do të vijojë në Grudë të Re. Synimi është evidentimi i personit/personave që mund të kenë përhapur këtë situatë paniku në këtë fshat por edhe më gjërë.
Theksojmë se, nisur nga interesi më i larte publik, kemi botuar mesazhin e ardhur në redaksinë e ShkodraWeb, pa identifikuar as mesazhdërguesin as persona të tjerë.
Lidhur me këtë lajm/temë, pirëpresim në çdo kohë informacione, duke ruajtur në çdo rast anonimatin e burimit. Sigrurisht, do të ishte me vlerë edhe një reagim zyrtar i DVP Shkodër lidhur me këtë temë, gjithmonë nëse ka diçka më shumë për të thënë nga sa kemi mundur të sigurojmë ne me burimet tona lidhur me lajm/çeshtjen e mësipërme.
Nënvizojmë, siguria, rendia dhe qetësia publike, mbeten interesi më i lartë për ShkodraWeb.