Ndërsa tek Vllaznia situate nuk është akoma e qartë, kanë nisur të përfliten emrat e mundshëm të trajnerëve që do të udhëheqin ekipin në Kategorinë e Parë të futbollit me synimin e ringritje së shpejtë në Superiore. Përveç emrave të teknikëve shkodranë e shqiptarë, kanë nisur të dalin në skenë edhe emra të huaj. Madje, bëhet fjal edhe për vetë ofrime të trajnerëve. Njër prej tyre është Ulrich Schulze, një trajner që edhe më herët ka qënë tek Vllaznia. Aktualisht është i lirë dhe ka shprehur dëshirën të rikthehet në Shkodër, madje, duke dhënë edhe idetë e tij. Dëshira i është komunikuar Armando Lohjes, një emër i njohur edhe në botën e futbollit në Shkodër.
Për ShkodraWeb Lohja tregon edhe komunikimin që ka patur me trajnerin Schulze, i cili i ka thënë shprehimisht: “ Armando, Vllaznia duhet ta fillojë me lojtarë te rinj, ti stërvisë ata shumë dhe nga ana tjetër ata nuk kushtojnë shumë. Ky do te ishte opsini më i mirë për mua. Nëse do ma jepnin mua, unë do vija dhe me qejf, do ta merrja Vllazninë nëse ata që janë përgjegjës do donin ta bënim së bashku Vllazninë” mësohet të jetë shprehur Ulrich Schulze.
I lindur me 25 dhjetor 1947, aktualisht 70- vjeçari nuk trajnon ndonjë ekip, edhe pse duhet thënë se karriera e tij si teknik është mjaft e gjatë. Po ashtu, Schulze ka qënë më herët trajner i Vllaznisë për 6 muaj, pikërisht nga 1 korrik 2006 deri me 31 dhjetor 206. Sigurisht, ky është vetëm një sinjal sepse interesin për të trajnuar Vllazninë, pavarësisht rënies nga Superliga mund ta kenë shumë, por siç është e kuptueshme, vetëm njëri do të përzgjidhet. ©ShkodraWeb
