Dje, me 12 nëntor u mbushën 6 vjet nga ndarja nga jeta e këngëtarit të mirënjohur të Malësisë së Madhe dhe më gjërë, Arben Delaj. Sot, një tjetër lajm i hidhur ka ardhur nga Italia.
Aida, bashkëshortja e tij, ka ndërruar jetë, duke iu bashkuar Arbenit, dashurisë së madhe të jetës të saj. Për familjen, fëmijët, të afërmit, kushërinjtë dhe të njohurit, është vertetë tragjike.
Aida e vujati tmerrësisht humbjen e bashkëshortit dhe të afërmit e saj pohonin shpesh se ajo dëshironte ti bashkohej sa më parë Arbenit. Kohët e fundit, Aida u diagnostikua me në smundje të rëndë.
Fëmijët, të afërmit, kushërinjtë, bënë të gjitha përpjekjet për të kuruar Aidën, për ta mbajtur në jetë por ishte e pamundur, edhe pse deri rreth një javë më parë, shpresohej në përmirësimin e shendetit. Sot ajo mbylli sytë, duke lënë në pikëllim jo vetëm fëmijët dhe të afërmit, por të gjithë ata që e njohën këtë zonjë në kuptimin e plotë të fjalës.
ShkodraWeb i shpreh ngushëllimet fëmijëve të Arbenit dhe Aidës për këtë humbje të rëndë të nësë, pas asaj të babait të tyre 6 vjet më parë. Pushofsh në paqe Aida, tashmë pranë bashkëshortit tënë Arben, dashurinë e madhe të jetës tënde.
