Te dielen Edi Rama shpall qeverine e re, zbardhet agjenda e Asamblese se PS

Ditën e diele në Asamblenë e Partisë Socialiste, kryeministri Edi Rama do të shpallë qeverinë e re të vendit pas fitores së zgjedhjeve në 25 qershor. Lajmin e ka konfirmuar vetë Rama dy dite me pare gjatë një takimi me ambasadorët e Shqipërisë në botë.
Edi Rama dhe Niko Peleshi në cilësinë e kryetarit të grupit të punës për reformën në administratë do të prezantojnë të dielën përpara asamblesë socialiste formatin e qeverisë së re.
Burime nga grupi i punës bëjnë me dije se skeleti i qeverisë së re është në përfundim dhe se disa ministri do të shkrihen në një duke i rishpërndarë përgjegjësitë.
Parlamenti pritet të mblidhet në 7 shtator, ditën e enjte.
Emrat e propozuar nga Rama duhet të ketë marrë “bekimin” e Metës si President për ekipin e ri, i cili duhet t’i dekretojë ministrat përpara se seanca parlamentare e 7 shtatorit t’i votojë ata duke i vendosur zyrtarisht në detyrë.
Rendi i ditës në Asamblenë e PS nesër:
1. Çelja e punimeve te Asamblese nga kryetari i Asamblese dhe Sekretari i Pergjithshem –Gramoz Ruci; Miratimi I rendit te dites
2. Raporti i grupit te punes per veprimtarine parlamentare –Taulant Balla (7min)
3. Raporti i Degjesave Publike, permbledhja e 12 qarqeve – Milva Ekonomi (7min)
4. Raporti i Grupit te Punes per Ristrukturimin e institucioneve –Niko Peleshi (7min)
5. Raporti i Grupit te Punes per Lehtesimin e Procedurave Burokratike -Arben Ahmetaj (7min)
6. Bilanci i zgjedhjeve 2017 dhe Raporti i Grupit te Punes per Organizimin dhe Koordinimin Elektoral te PS (7min) -Blerina Gjylameti
7. Miratimi i projektvendimit per zgjedhjet e reja ne parti
8. Fjala permbyllese nga Kryetari i partise – Bilanci politik i 25 qershorit dhe sfidat e mandatit te ri.