Sot mbarë Amerika përgatitet për të parë eklipsin e Diellit. Kureshtja dhe entuzjasimi po ndizet çdo sekond e më shumë. Sytë e njerëzve të pasionuar pas eklipseve, sot do të mbeten në qiell për të parë eklipsin total të diellit.
Eklipsi i plotë do të shihet vetëm në një rrip të ngushtë toke, afro 100 km, në kontinentin amerikan.
Por për herë të parë në një shekull të 50 shtetet amerikane do të përjetojnë së paku eklipsin e pjesshëm. Eklipsi i 21 gushtit do të përshkojë SHBA nga bregu perëndimor në bregun lindor, gjë e cila nuk ka ndodhur që 99 vite.
Në Uashington do ketë vetëm eklips të pjesshëm i cili mund të kalojë pa u vënë re. /shqiptarja.com/