Shqiperia si Palermo, cfare po ndodh me kete vend…?!

Nga Blerti Delija

Krimi eshte trimeruar! Nuk mund te them se po ben ligjin, sepse ne fakt nuk dihet nese dikush/disa po bejne ligjin. Ekzekutime ne qendra te qyteteve dhe ne orare kur fluksi eshte me i larte. Kur edhe ata qe ruhen apo mendojne se jane shenjestra, ndjehen me te sigurte sepse “nuk mund te qellohet ne mes te qytetit, ne nje orar kur ka qarkullim te madh njerezish sepse rrezikon te vrasesh edhe te pafajshem”. Por kjo mesa duket ishte dikur. Ose kriminelet ishin me “te pergjegjshem”. Vetem ne pak dite, ne Vlore e ne Lushnje. Nje te mitur 8- vjecar e shpetoi Zoti qe sot jeton akoma, ndersa ne mendje do i mbetet perjete imazhi i gjakut qe pa ti dale nga trupi. Nje kalimtar sot ne Lushnje, po shetiste rrugeve te qytetit te tij, madje ne qender. Plagoset dhe dergohet ne spital. Fatmiresisht pa rrezik per jeten. Cdo dite e me shume vendi yne po i ngjet nje Palermoje. Nje qytet italian qe kishte te rradha ditet pa ngjarje te renda e viktima. Ose si Napoli i ketyre muajve te fundit.

Pasiguria eshte ulur kembekryq. Deri ne fund te vitit 2000, ishte “plumbi qorr” qe dilte nga armet e 1997-es ai qe bente kerdine nder shqiptaret. Sot ata kallashe, mbase te asaj periudhe, nuk po vrasin me “plumba qorr”, por me plumba qe drejtohen per nga shenjestrat njerezore.

Policia keto jave po pergatitet te perballet me vettingun. Keshtu tha ministri i Brendshem i Shqiperise. Por keto kohe mesa duket policet jane me te perqendruar tek starti i vettingut se detyra e tyre paresore: parandalimi i krimit. Ne dy rastet e fundit te pakten, viktimat e te plagosurit rezultojne si te shenjestruar edhe me perpara. Nuk e di sa eshte numri i sakte i policeve, nuk e di nese jane te mirepaguar apo miretrajtuar. Nuk e di nese jane te perfshire ose jo me kanabisin, prodhimin e trafikimin e tij. Qytetaret gjykojne mbi ate qe shohin, qe degjojne dhe prekin cdo dite me dore. Nuk ja kam idene nese ekziston ne vendet perendimore nje azil per mungese sigurie ne vendin e origjines, por situata e krijuar eshte nje motiv me shume per te lene kete vend.

Nga sot, ketij vendi, familjeve te tyre, u mungojne edhe 2 te rinj, 22 dhe 23 vjecare. Do te shenohen ne listen e gjate te viktimave te nje “lufte” qe po e shkaterron kete vend. Bashke me paaftesine e shtetit per te mbajtur nen kontroll territorin e per te siguruar jeten e qytetareve ne mes te qyteteve. Nje shtet qe kerkesen e llogarise e ka si nje shtet i devotshem i BE-se, por qe nuk ofron as sigurine e jetes per ata qe e mbajne ne kembe me taksat e tyre.

Teorikisht, i vetmi vend i sigurte mbetet shtepia yte. Edhe ajo nese nuk eshte shume ne qender te qyteteve dhe nuk ka shume dritare. Tanime krimi po godet kudo, ne cdo orar dhe ne cdo ambjent. Zoti i shpetofte shqiptaret… Ne keto momente kryeministri i vendit eshte “live” ne nje konference per shtyp nga Roma me homologun italian! Te pakten ai eshte i sigurte, edhe kur eshte ne atdhe… Shyqyr Zotit, sepse po perpiqet per ne…si te gjithe te tjeret para por edhe pas tij.