Një tragjedi është shmangur si për mrekulli këtë mëngjes në Bulqizë. Rruga që lidh qytetin me minierat është shembur, dhe një mikrobuz që qëndronte në rrugë, u rrëzua në brendësi të humnerës së krijuar. Po ashtu ka rënë edhe një barake që shfrytëzohej nga punëtorët gjatë orarit të pushimit.
Fatmirësisht nuk pati persona të lënduar, pasi mikrobusi ishte bosh dhe në barake nuk ishte asnjë minator. Bëhet fjalë për rreth 50 metra rrugë të shembur, në pjesën kryesore që lidh qytetin e Bulqizës me minierat e zonës D. Rruga është fundosur në 7 metra thellësi dhe 50 m gjerësi.
